تنغمس الفتيات في طموحهن وأعمالهن بدرجة تجعلهن لايفكروا في الحب والزواج، ولكن في ظل انشغالهن تظل عين مترقبة مشغول بالها وعقلها فخورة بجدية المرأة.
على عكس ذلك بالنسبة للرجال الجاديين في الحب والارتباط والزواج، بعض الرجال تبحث عن الحب هاربًين من فكرة أن يقعوا فريسة اختيار إجباري ل"زوجة المستقبل" من قبل والدتهم أو أحد معارفهم.
فهو يريد أن يكون بطلًا في حياة شريكته، يريد يكلل قصص نجاحه بحسن اختياره لزوجته وحبيبته، لاتستغربين حينما يصرح أحد زملائك التي تتعاملين معهم سواء في عملك بنيته بالارتباط بكِ لما يحمله من مشاعر حب صادقة بعيدة عن التسلية والصداقة المزيفة.
علامات تؤكد حسن نيته.. وحبه الصادق واختياره لكِ أن تكونِ شريكة حياته:
أول حاجة هيكون مباشر ويطلب يكلم أهلك.
هيقولك أن فيه مشاعر لكِ بس مش هيصرح بيها حفاظًا على احترامه لكِ ولأهلك.
هتلاقيه مهتم بكل تفاصيل شغلك وحياتك.
بيسأل عنك دايما أصحابك زمايلك.
هيعرفك بأهله بطريقة مباشرة أو غير مباشرة .
هيكون حابب يسمع منك القبول أو الرفض قبل مايكلم أهلك.
مش هيسمح يتكلم معاكي لغاية مايكون الموضوع رسمي.
هيكون دايما عارف تفاصيل يومك.
هتلاقيه سوبرمان فجاءة فكل مشكلة تكوني فيها.
هو مش بيمثل هي بتبقى مشاعر اتجاهك حاببها.
حاطه مكياج ، عصبية فشغلك، هادية هو في الاغلب عارف طريقتك ، الشغل دايما بيعرف طباع البني ادميين.
هيبقى فيه حرج في التعامل وخاصة لو مستني منك الرد.
هيقولك كل البيانات عنه ويمكن كمان يقولك عن حبه القديم وأدق أسرار حياته.
على حسب ارتاحتي وموافقة أو لأ خلي معاملتك رسمية زمايلك هتلاقيهم مخلين بالهم وخاصة لو هو محبوب فشغله.
مقابلات بعد الشغل مفيش هو لو بيحترمك مش حيطلب كده.
طبعا هتلاقيه عينه عليكِ طول الوقت في كل تعاملاتك مع زمايلك الرجالة.
حددي قرارك لو يستحق حبه الصادق يكون شريك حياتك بلغي أهلك .. اسأليه عن سبب اختياره لكِ ومع الوقت ستعرفين هو صادق في مشاعره أم مجرد إعجابه بعملك أم لأن راتبك أعلى منه أو منصبك أفضل إذا كان أحبك بصدق لايهمه سوى أنتِ!
إذا سألك عن قبولك أو رفضك كلمِ أهلك وبعدها ابلغيه ردك وعلى أساسه هتعرفي حسن معاملته في الشغل حقيقية ولا ماسك يتجمل بيه!
لو هترفضي ارفضِ بذوق واحترام، بعيدا عن جملة"أنت زي أخويا" منهيه رفضك بأنكِ تتمني له السعادة وحسن الاختيار.
تعليقات
إرسال تعليق