الفكرة كالدواء لها آثارإيجابية وسلبية..فكر وانتقي!

أحلام واقعية- ندى العمر

"يعاني البعض من "فقر الأفكار"، فيسهل عليهم الأخذ من أفكار غيرهم دون تجديد أو ابتكار"
كلمة بنسمعها كتير في شتى المجالات في البيت والشغل..فكري هنطبخ أيه ؟!

للمعد البرامج قولنا هنقدم فكرة جديدة أيه؟!

لمسئول الدعاية والإعلان ..جبلنا فكرة نعلن بيها ؟!

لموظف التسويق..فكرتك أيه علشان تسوق المنتج؟!

للصحفي أيه أخر الأفكار ؟!

للمدرس خذوا فكرة عن الدرس؟!

للديزاينر أيه أخر أفكارك عن التصاميم؟!

لموظف في قسم البحث والتطوير ..وصلت لفكرة؟!

كلمة"فكرة" هتسمعها كتير في أغلب المهن دي، لأن الفكرة رأس مال أصحاب الوظائف المعتمدين على "الأفكار" .
فيه ناس شاطرة جدًا إنها تجيب أفكار بس صعب تنفذها، وفيه ناس تعرف تنفذ الأفكار وصعب تفكر، وفيه أسهل حاجة عندها تأخذ أفكار غيرها ببساطة، وفيه ناس بتجيب أفكار قديمة هي هي بدون تجديد؟!
سهل نفكر بس صعب ننفذ، الفكرة ممكن تيجي من خيال وتصبح واقع بيكسر الدنيا، الفكرة هدف والهدف محتاج سعي ومحتاج قراءة كتير، ومحتاج دراسة، ومحتاج استجابة ورفض؛ ولكن أكتر الأفكار نجحت كانت أفكار قريبة من قلب الناس وبتعبرعنهم؟!
فكر ومتقولش أفكارك لحد، اتعلم إزاي تشتغل على فكرتك، ثقتك بفكرتك ممكن تساعد فحلول مشاكل كتير، متستصغرش الفكرة.

اسأل نفسك أيه هدفك من الفكرة؟

مش كل فكرة قابلة للتنفيذ فيه فكرة تهدم وتضر ..وفكرة تبني وتنفع؟

دور وأعرف فكرتك حد نفذها قبل كده وفشلت ولانجحت؟
الفكرة لفئة معينة من الناس ولا للجميع؟

مثلًا: لما حد يسألك معندكش فكرة اطبخ ايه النهاردة؟!

هتقولها ا:اطبخي نجرسكو!

هتقولك: مش بنحبها!

يبقى انت استنجت ربما مش بتحب المكرونة هتقترح عليها، طبق تاني.
هتقولك لا لسه عملاه.

وقتها هتفكر فكرة انك تختا طبق يجمع شمل العيلة وجديد ، وربما تفكر ففكرة طبق جديد ويتسمى باسمك.

البداية كانت سؤال وفكرة صغيرة أصبح طبق مخصوص!

هي كده الأفكار في أي مجال بتبدأ صغيرة تكبر وتطور وتصبح أسلوب حياة.