"الفراغ" للزوجة بعد الزواج ..سم قاتل للحياة الزوجية !

أحلام واقعية- ندى العمر

تجلس شاردة بعد أعوام من الزواج، وتشعر كأن ذهبت حقبة من الزمن لاترى فيها طعم السعادة التي حلمت بها، وكأن حياتها مابين غسل الأطباق، وتنظيف المنزل، وزيارات الأهل التقليدية روتين حياة قاسي، ويزيد ذلك درساة ابنائها، ووزنها الزائد، وبهتان بشرتها، تهمس في نفسها أين أحلامها الوردية أين بيتها السعيد التي تمنته، فكلما تزداد الأعباء والشجارات بينها وبين زوجها، بل تشعر أيضًا إنها تحمل هم الجميع ابنائها وزوجها وأهلها وبيتها، لتسأل سؤال أين هي وأين أحلامها من كل هذا..يبدا مراحل الأكتئاب تسلل وتشعر إنها تعيش غريبة لاتقدير زوج ولا أبناء ولا أهل!


ده حال ستات كتير وتبدأ تكره الدنيا ويبدا جوزها يقول عنها إنها"نكدية" من غير مايسألها مالك من غير مايفكر حتى يغيرلها جو يفسحها يحبها من أول وجديد، لا يقعد يقولها إن وزنها زاد واوحشت ومهملة وغيره.

مشكلتنا الكبيرة إننا بنيجي على نفسنا بزيادة، ومعندناش فن إدارة بيتنا وأسرتنا،

وبنتحمل مسؤليات كتيرة النتيجة الطبيعية إن ولادك خلاص اتعودوا كل حاجة ماما

يرموا اللعب ، ماينظفوش مكان أكلهم ، وكذلك بابهم اصل عندي شغل جيبي الولاد

وديوهم النادي روحي لأهلي...مش هننكر إن العبء كبير المشكلة فكرة ان حد واحد

بيتحمل والباقي اتعودوا مينفعش نطلبهم من يوم وليلة يعملوا الواجب لوحدهم يشيلوا

لعبهم، هو يخصص يوم تخرجوا سوا، وهكذا.

"أحلام حقيقية" فكرت لكِ عدة نصائح قبل أن يتسلل الأكتئاب حياتك، لتعيدي لأسرتك السعادة:

1-حبي نفسك جدًا، اوعي تقللي من نفسك كل حاجة بتعمليها لها أجر عظيم عند ربنا.

2-احمدي ربنا على أنك أم وزوجة، وافتكري غيرك مابتمنى النعم دي.

3-صلي، وادعي أن ربنا يعينك، شغلي قرءان على طول.

4-هاتي احلى صورة ليكي وانتي رفيعة وحطيها قدامك، وخسي علشان نفسك وصحتك.

5-عودي أولادك النوم والصحيان بدري.

6-العبي رياضة انتي وولادك وجوزك، لو مرداش انتي وولادك.

7- اتمشوا على الأقل نصف ساعاة.

8-اعملي جدول تخلصي فيه شغل البيت؛ لأنه مبيخلصش.

9-علمي ولادك يحترموا ساعة الاستراحة اسمعي موسيقى هادية، اتفرجي على فيلم كوميدي، ارسمي، كلمي صحبتك، بلطف فهمي ولادك زي مابتسبيهم يتفرجوا على الكرتون انتي كمان حابة تعملي حاجة بتحبيها.

10-يوم الجمعة عودي جوزك وولادك أن الفطار سوا، اطلبي من جوزك يساعدك في تحضيرة بأسلوب محترم مش بلغة الأمر.

11-جددي تسريحة شعرك.

12-اتعودي دايما تبقي شيك حتى ولو في البيت.

13-دوري على الأكل الصحي، واطبخيه.

14-اقري عن كل حاجة تفيدك.

15-ابعدي عن السوشيال ميديا على قدر الامكان، والرغي في التليفون بيجيب مشاكل كتير.

16-اتعلمي هواية جديدة بسيطة.

17-حفزي أولادك أنهم يسعدوكي علشان خروجة أو مكافأة أو لعبة.

18-متشغليش نفسك بغيرك.

19-اسمعي لجوزك في وقت مشاكله، وعلميه إنه يسمعك.

20استقبليه بفرح هيستغرب، متقوليش انك قررتي تتغيري فجائيه بالتغير هو كمان هيتغير.

21-متغليش كل همك المواعين، والبيت ونظافته، تبقى محور أحاديثكم أخر عروض السوبر ماركت أيه.

22-شاركيه شغله، وافهمي واسمعي ، واقري واعرفي وفهميه انك مهتمه بيه.

23-اعملي يوم أجازة أسرية اختاري مكان جديد.

24-اتعلمي تبطلي عصبية، وصوت عالي.

25-اتعلمي إزاي تخلي بيتك سعيد، دوري على كل حاجة بتسعدك وتسعد ولادك وجوزك.

26-اهتمي بنفسك؛ لأنها تسحق لنفسك قبل أي حد.