تعقيم الأدوات أول خطوة من خطوات الأمان لاختيار صالون التجميل يوم زفافك!

أحلام واقعية- ندى العمر

العرايس بتدور دائما على أفضل أماكن "البيوتي سنتر" المحترفة في المكياج ولف الطرحة أو تسريحة الشعر وفي نفس الوقت بأسعار مناسبة غير مبالغ فيها؛ ولكن تغفل العروس عن أهم حاجة وهي نظافة المكان وتعقيم أدواته؛ منعًا من حدوث أي مشاكل في بشرتها وتألقها يوم زفافها بأمان..

على العروسة ألا تعتمد على أماكن "البيوتي سنتر" المتخصصة في تجهيز العرائس من خلال البحث على الأنترنت أو أحد معارفها، ربما مايكون مناسب لغيرك قد لايكون مناسب لكِ.

يجب الذهاب قبلها بفترة قبل الحجز، والنظر لنظافة المكان، مدى إحترافية العاملين في مجال التجميل و كيفية استخدام الأدوات تعقيمها.

أهم حاجة تتكلمي مع خبيرة التجميل عن أنواع وماركات المكياج وتسأليها هو ده سعر واحد للمكياج ولا فيه نوعين زي مثلًا سعر المكياج بمنتجات مصرية مختلف عن سعر المكياج بمنتجات مستوردة!

اسألي عن باكيدج العروسة، واعرفي هيكون شامل على أيه وشوفي الأوفر ليكي.

الباديكير والمانيكير شوفي الفوط بيستخدموها نظيفة ولأ لأ ..هل الأدوات تتعقم بالكحل على الأقل، يفضل إنك تسألي خبيرة الباديكير بالأدوات المطلوبة وتشتريها وتعملى بيها؛ تجنبًا لأي أمراض تنقل عن طريق الدم أو أمراض جلدية.

كتير بنسمع إن العروسة شعرها اتحرق من الصبغة أو الفرد أو قد يحدث  ظهور حبوب  مفاجئة في بشرة العروس بسبب "ماسك" الوجه أو طفح جلدي بسبب  احتواء الحنة  على نسبة أكسجين وغيرها من الأمراض قد تسبب لكي حزن شديد في أجمل يوم في حياتك؛ لذلك عليكِ  حسن الاختيار أفضل صالون تجميل لديه طاقم من العاملين  على دراية ووعي بأهمية التعقيم والنظافة.