أكبر مشكلة تواجه الأزواج حديثًا هي "الملل"، ملل وفيه حب؟!
بالفعل لأن أغلب المخطوبين بيستنفذوا الحب في الخروج، والفسح، والمشاعر بعد الجواز ينتابهم شعور إن الشغف كان بينهم في بداية حياتهم أنتهى، والجواز بقى عبارة عن زيارة تقليدية روتينية للحماة، خناقات على أسباب لا تستدعى، أو انشغالهم بانتظار مولود جديد.
الست بعد الجواز أول سنة فرحانة وسعيدة من عزومات لخروج مشغولة.. بعدها يتسلل في حياتها ملل، وخاصة لو مكنتش بتشتغل، الراجل نفس الحكاية بل ساعات ينتابه شعور صعوبة تحمله للمسئولية خاصة إنه كان عايش حياته خروج، وفسح، و أكل بره في أي وقت بدون حد يسأله رايح فين هتيجي امتي أو التزامه بزيارة الأهل مع شوية تحكمات من الطرفين؟!
الرومانسية بتنتهي قبل الجواز الكلام الحلو بينتهي، لمعة العيون، الود بين الأهل، الفسح والخروج، كل الكلام بيتحول التزامات مادية وبعدها متطلبات معنوية.
الراجل سهل يجوز اتنين وتلاتة وأربعة صعب يخلص في حبه لمراته، ويدللها بل يهتم بها أكثر ويخرجها ويسمعها كلام حلو، و يتقاسموا طموحهم وفرحهم.
المشكلة الكبيرة عند كل ست إن التغيير بالنسبة لها الميكب، وتسريحة الشعر ده شىء أساسي إنها تجدد من نفسها جماليًا، الأهم من كده تفهم إن الراجل طفل وصفات كل طفل مختلفة عن التاني فلو فهمت الطفل الكبير اللي مرتبطة بيه هتلاقي حياتها أسعد بكتير، كذلك على الراجل يفهم مراته يحبها يديها من وقته، وحياته يخصص لها خروجة رومانسية، يسمعها كلام حلو، يجبلها هدية، يسفرها، فيه ناس هتقول أصل المصاريف ...خروجة مرة في الشهر كفيلة تعيد لحياتكم الحب، كلام حلو كل يوم ده بيدي زوجتك طاقة إيجابية تبعد عنك أي نكد وتحس بإن حبك لم ينته بعد!
تعليقات
إرسال تعليق