لاتجعلي قلبك ماريونيت لهؤلاء الرجال..لايعرفون الحب..بل التسلية وكسر القلوب لعبتهم!

أحلام واقعية- ندى العمر


لو بدأ حديثه نتعرف، ونتقابل علشان نفهم بعض أكتر ده كذاب وتلاقي عنده كوم عيال ومجوز أربعة أو هواية عندة أو عقدة ..فكك منه على طول،  والمفروض إن فيه سكة واحدة معروفة  عند الراجل الجد اللي بيحب بجد "الحلال"

بلاش تبريرات اللي بسمعها من كل بنت لازم نتعرف علشان نعرف بعض ..علشان متتحسبش عليه خطوبة.. هو اللي سكته كده أول ما تقوليله هتتقدم أمتى دي كلمة السر اللي هتلاقيه اختفى زي عفريت العلبة !

النوع ده اساسا مش بيعترف بالحب هو عمره ماحس بمعنى الحب إما عنده فقدان للحنان منذ الطفولة أو حصله موقف اتجرح فيه جرح مش قادر ينساه!

الشخصيات اللي زي دي بيداوي جرح بجرح بيتسلى ويكسر قلب كل واحدة ..يمثل عليها الحب، وهو بيكلم عشرة في نفس الوقت!

لا تتفاخروا بقصة حبكم و بالصداقة  التي تنشأ بينكم..لكل شيء في الحياة له قواعده وأصوله..لا توجد صداقة بين رجل وامرأة  وهم  أعمى نقلده ونضحك به على أنفسنا..الحب راجل طرقت نبضات قلبه بحبه فتاة فطرق أبواب قلبها بالحلال دون لف ولا دوران !

دققي في اختيارك  هناك فرق بين راجل لايعرف الحب سوى تسلية و راجل يحب بصدق:

 راجل أحب فتاة يتحدى الدنيا والظروف الصعبة حتى تصبح له على كتاب الله وسنته!

راجل لم يشأ القدر له أن يرزقه بمن يحبها استعوض الله،  وتمنى السعادة لها..فعوضه الله بمن تقر عينه!

راجل  يخاف الله قبل أن يخاف البشر لا يحتاج أن يكون صائد للقلوب!