أحلام واقعية- ندى العمر
أحلام واقعية- ندى العمر
الجواز عامل زي صندوق المجوهرات ؛بيحافظ على قيمة الجواهر من أعين الحاسدين والحاقدين، حاولوا أسراركم أدق تفاصيلها متتقلش لأي حد لاقريب ولاغريب، بتقابلوا مشاكل وهتقابلوا ابدءوا اتصافوا مع بعضكم بلاش تدخلات الأهل والأصحاب، متكبروش كل موضوع، متعيروش بعض، متقفوش الند بالند.
الجواز زي الكتاب لو صفحاته أصبحت مفتوحة الكل هيقلب فيها ويستغل نقاط ضعفكم، أسراركم، مشاكلكم، خليكم كتاب مقفول وخاصة في أدق التفاصيل اللي بينكم.
نسمع مشاكل كبيرة جدا الراجل بيكون السبب فيها إنه يفضفض مع صاحبة أو أخواته أو مامته أو قرايبه عن تفاصيل بينه بين مراته بحجه الاستشارة ويفكروا معاه فحل مشكلة بيواجهه أو من باب الفضفضة!
كذلك الستات تقعد تحكي مع صاحبتها أو قرايبها أو أخواتها بحجة كل واحدة بتشيل هم التانية؛ لأ بتزيدي هم أكبر من هم كل تجربة مختلفة عن التانية، لما يفيض بيكم صلوا اسألوا ربنا أن يهيدكم للحل المناسب، استشيروا أهل العلم والدين والثقة.
بكرر الفرق بين الجوازة السعيدة وغير السعيدة أصحاب الجوازات السعيدة عرفوا يخلوا حياتهم كتاب مقفول بينهم بالرغم قد يكونوا بيمروا بأصعب المشاكل، والظروف؛ ولكن قرروا يتحملوا المسئولية ويحلوا أمورهم بدون معرفة حد عن حياتهم غير إنهم سعداء، على عكس من جعلوا حياتهم لمن هب ودب يخرب ويدمر!
تعليقات
إرسال تعليق