"معلومة عمل":الدعاية لا تحتاج مبالغ طائلة.. بل تحتاج لفريق عمل مبتكر!

أحلام واقعية- ندى العمر

بعض الشركات أو المحلات أو المراكز ليس لديهم القدرة المالية للإعلان عن شركتهم 

و خدماتهم للعملاء عن طريق التليفزيون أو الجرائد ؛ بالرغم  من أنهم  قد يكونوا متميزين  في مجالهم.

أتاحت وسائل التواصل الاجتماعي على الشركات الصغيرة،  وأصحاب العمل استبدال إعلانات التلفزيون، والجرائد باختيار طاقم عمل متخصص في مجال الدعاية والأعلان للتسويق الإلكتروني.

"كريتيف تيم" يتكون من فريق عمل من المصممين، والدعاية، والإعلان، والتسويق يقومون بطرح أفكار مبتكرة للدعاية والإعلان عن شركاتهم، وإظهار مايميزهم عن الآخرين؛  لجذب عدد أكثر من العملاء وتسويق منتجاتهم وتوفير ما يحتاجه العميل  من خدمات.

أغلب الإعلانات  يتم طرحها عن طريق اليوتيوب، الفيس ، ومواقع التواصل الأخرى بأفكار بسيطة؛ ولكن لها صدى كبير.

"أهمية الدعاية ..الدعاية مهمة جدًا؛ ولكن الأهم المصداقية"

 ممكن نعمل إعلان ممتاز جدًا يجذب العملاء على منتج معين أو خدمة ويكتشف العميل إنه "فشنك" كذب في كذب مجرد  فخ لزيادة المبيعات؛ وقتها يمكن  تبيع كتير ولكن بعد معرفة العميل حيلتك قد تخسر أغلب عملائك!

اتكلم دايما عن فوائد منتجك أو خدمات شركتك اللي تقدر توفرها قبل ما تتكلم عن المميزات، مثلًا: منتج زيت شعر فوائده انه بيطول الشعر، يمنع البهتان،  وبيلمع الشعر مميزاته إنه مش موجود غير في شركتك، العبوة تكفي لشهور ، سعره مناسب لو قلنا المميزات قبل الفوائد مش هيعجب العميل أوي بقدر إنك أتكلمت عن فوايده هو بيدور عليها حتى لو تمن المنتج غالي.

من أفكار الدعاية الأحداث "الايفنت" للتوعية عن ظاهرة، عن مرض، عن  تعليم، عن تغذية ، بجانب ورش العمل إنك تختار أفضل كوادر من الموظفين  لإعطاء ورش عمل في مجال عملك سواء لموظفي شركتك أو شركات أخرى، أو طلاب الجامعة، أو للعامة وإحنا عارفين قد ايه الناس بتهتم بأي حاجة مكتوب عليها"مجانًا"!

"الدعاية الحقيقية" إن شركتك و موظفينك يكونوا على قدر من الاحترافية، والمهنية، والأخلاق كل موظف تعامله مع العملاء والشركات الأخرى يعكس حسن سلوكة، ومهاراته في العمل يعتبر دعاية لشركتك.

ضروري الدعاية عن طريق صفحات التواصل الاجتماعي، والإهتمام بتعليقات الجمهور سواء بالنقد أو الاعجاب .

الصور، والفيديوهات أهم حاجة سهل توصل رسالتك أو منتجك  في  عقل عملائك، حاول إنك تختار فريق متميز من المصممين، والتسويق، والدعاية يختاروا أفكار تعبر  عن خدمات الشركة؛ بعيدًا عن الكتابة فأنت لاتعلم المتعلم من الجاهل بالتكنولوجيا"خليك بسيط"!

ضروري إرسال الرسائل للعملاء في كل مناسبة، وإرسال آخر العروض ، والتواصل مع العملاء بشكل مستمر.

إعلان بسيط قد يحل مشكلة تؤرق عميلك... ضروري كسب ثقة العميل؛ ولكن الأهم حينما يجد عميلك الحل يربط ذهنه بإعلانك الذي كان سبب في حل مشكلته!

 كل واحد فينا بيقابل مشكلة،  لحظة حلوة أو فرحة في حياته إنك تشارك عملائك كل لحظة ده في حد ذاته دعاية، خلي أفكارك تكون قريبة من القلب والعقل.

أفكار كتير اتبنت عن طريق الاحتياجات مثلًا: ست البيت اللي نزلت تشتغل ومعندهاش  وقت تطبخ استفادت ناس من المشكلة.. وحولتها لفكرة مشروع،  اتعمل على أساسها مطاعم أكل بيتي

 فكرة الدعاية بدأت من العرض والطلب ..عرض  ست بيت عندها وقت فراغ و شاطرة في الطبخ لطلب ست  بيت مشغولة بشغلها ومعندهاش وقت تطبخ!

مهم جدًا إننا لما نفكر نعمل فكرة إعلان نأخذ اعتبارات مهمة ألا هي الواقعية مثًلًا: هنعمل دعاية لبيوتي سنتر علينا  أن نختار أحد العملاء و نظهر الفرق قبل وبعد زي لما نيجي نعمل لوك جديد ده هيعكس مصداقية للعملاء، وهيديهم دافع التجربة.