أحلام واقعية- ندى العمر
في مجال الإعلان، والدعاية، والتسويق ، والصحافة هتسمع جملة ايه الافكار الجديدة اللي هتقدمها ؟!
الوظائف دي تعتمد على الأفكار المبتكرة، الأفكار المختلفة التي لاتتعارض مع القيم والعادات والتقاليد والأخلاق والدين.
كل يوم العالم بيطور، وكل ثانية يبقى فيه جديد، التحدي وسط المنافسين يحتاج إنك تكون متميز، ومختلف، وسريع، أفكارك يجب أن تخاطب كافة الفئات.
أفكار الإعلانات قامت على فكرة قديمة تم تطويرها لأفكار مستحدثة !
الفكرة ممكن تجبها من لوحة مرسومة، من برنامج شوفتوه، من اللي حواليك، من مشكلة مرت عليك، من أكلة اتقدمتلك، من كلمة سمعتها صندوق أفكارك محتاج تركز في كل حاجة حواليك وقتها هتلاقي عندك رصيد من الأفكار.
تنفيذ الفكرة يحتاج منك توازن ما بين الوقت وبين تنفيذها، ردود الفعل على فكرتك محتاج أنك تتوقع الردود السلبية والإيجابية وده في حد ذاته هيخليك تطلع أفكار تانية.
الفكرة عاملة زي اللي يرسم لوحة بيحط تصور في عقله ولما يبدأ ينفذ و يرسم، ويلون بيشوف ايه اللى لايق ايه محتاج يتغير فيها.
أهم حاجة في الفكرة تكون مبتكرة محدش فكر فيها قبل كده!
تعليقات
إرسال تعليق