"الأب"وجوده حياة!

أحلام اقعية- ندى العمر

مين قال إن الأنسان لما يكبر هيبقى قد الدنيا ويواجه ..بالعكس الأنسان لمابيكبر بيصغر أكتر ...لما الأب بيموت لماتكبر هتحس في أوقات أنك محتاجه جمبك هتفتكر مواقف عشتها معاه قد ايه إن عمرك ماحسيت بمسئولية أو إنك شايل هم أو فيه مشكلة كل مشكلتك في الحياة إنك تطلب وتلاقي أبوك بينفذلك ...لما الأب يموت هيكون المشهد كالتالي الهيصه الكذابة هتبقى سراب مش هتلاقي حد جمبك كل اللي كانوا بيستفادوا منه خلاص طلعوا كان وجودهم ملوش أساس..الدنيا هتسود في وشك وتضيق..وبدعواته ليك هتفرج ..وتبدأ أنت تعرف قد ايه أبوك كان شايل حمل كبير لمجرد أنك تبقى سعيد..وتسأل نفسك هو إزاي كان بيتحمل كل ده..إزاي مريض بأمراض مزمنة وبيتوجع وبيتقطع وبيشتغل صبح و ليل وبيخرجك وينفذ لك طلباتك ولايقولك على كل المصاعببيمر بيها..ووقتها هتعرف قيمة قد ايه كان بيحبك بس للأسف مش هتقدر تردله الجميل علشان راح للأحن والأرحم من صعوبات الحياة..الله يرحم كل أب ضحى من أجل سعادة ولاده!