لاتهتموا بآراء الآخريين عن اختيار شريك حياتكم!

أحلام واقعية- ندى العمر

الناس أصبح شاغلهم الشاغل  الانشغال اختيارات الآخرين، لما تختار أو تختاري شريك حياتك طلعوا حسابات الناس"هيقولوا ايه"؛ لأنهم هيتكلموا في الحالتين المهم أنتَ أو أنتِ متقبلين شركاء حياتكم ولا فيه نسبة تردد؛ للأسف بعض الأحيان كلام الناس بيبقى زي الوسواس الشيطان لا إراديُا يمكن تتأثروا بيه لو فيه نسبة تردد في قرارة انفسكم أعيدوا حساباتكم، أما لو اختيارك عن ثقه  واقتناع تام  ده مش هيسمح لحد أن يهز صورة شريكك بل بالعكس هتتحول لحالة فرض احترام، وتقبل الجميع لاختيارك الأهم إن الطرف الآخر يكون قد الثقة.

الأهل والأقارب والأصحاب لما واحد يقرر يرتبط بواحدة مش جميلة مثلًا على حد رأيهم وقتها بينهم وبين نفسهم وبين بعضهم إزاي يعمل كده ده يستاهل جميلة جميلات، سؤال صغير هو أنتم مين علشان تحددوا القدر والمكتوب إن فلان يبقى فلانه ليه بنعترض على نصيب ربنا.. ..بجانب مفهوم الجمال فهو أمر نسبي مايمكن أنتم مش شايفين إنها جميلة( ربنا )محليها في عينه، يمكن روحها جميلة، يمكن جدعة، ووقت الضيق هتكون سند مش يمكن الجميلة دي تبيعه في أول موقف هتنفعوه وقتها!

نيجي بقى بنخلي الفاشل فاشل بالكلام والاحباط لو فيه ذرة أمل لاتنين بيحبوا بعض إن جوازتهم ممكن تنجح ويعيشوا بسعادة  بكم السلبية، والتشاؤم تحكموا عليهم بالفشل؛ وبفضل ربنا يسهل كل صعب ويرتبطوا ويعيشوا في سعادة ونجاح.

اه..من اللي بيتكلموا، و يفتخروا باختيارتهم ويقللوا من اختيارات غيرهم..اوعوا تتغروا ماخفي كان أعظم...احمدوا ربنا على اختياراتكم مكتوبة في اللوح المحفوظ من قبل ميلادكم..ابعدوا عن أي احباط من أهلكم، أصحابكم، أقاربكم لشركاء حياتكم وخاصة لو  يستحقوا..لاتبالوا افرضوا حبكم على الجميع سينحنوا احترامًا.