للرجال..لاتنتقم ولاتعذب قلبك من أجل "حب واهم"!

أحلام واقعية- ندى العمر

أنك تحب شيء  جميل في حد ذاته يدل على سلامة قلبك،

 الأصعب  إنك تعيش مع نفسك قصة الحب كأنك قررت على قلبك إنه يتعذب 

ويتجرح، ولنفترض إن قلبك أتقابل بالرفض!

 بعض الرجال يشعروا  "الرفض"  كأنه إهانة شديدة، المسألة بسيطة جدًا الحب والكراهية مش زرار نقدر نتحكم فيه بل تصل الحالة عند بعض الرجال قرارالانتقام ممن يحبون...سؤال صغير لأي راجل يعني ايهحب..؟!

هل لو حبك أتقابل بالرفض ده يهز ثقتك بنفسك حتى لو كانت فيك مميزات أنت شايف الكل مبهور بيها  أو حتى إنك تكون شايف إنك معندكش مميزات، وتبدأ تعيب في نفسك وتقلل من ثقتك بنفسك،

 أبسط حاجة تقول لنفسك هو الشخص اللي فضلته عليه أفضل مني في أيه ...الحب من طرف واحد وارد سواء للبنت أو الرجل؛ ولكن الراجل بياخذها مسألة كرامة وثأر!

الحب أنك تبقى سعيد، وتتمنى الخير لشخص ملكش نصيب فيه، لا يقلل منك ولامن ثقتك بنفسك نهائي، المسألة في الأول والأخر قبول وقسمة ونصيب، ممكن فعلًا تكون عندك مميزات أنت وكل حوليك شايفنها مميزات يمكن الطرف الآخر شايف إنها غير مناسبة، مفيش مشاعر من الأساس طالما مفيش مشاعر هتبقى أنت طرف معطاء والطرف الآخر مستغل لن يشعر بأي سعادة في ذلك بل يعتبر عطائك حمل تقيل و مشقه.

"الخلاصة"

 لأي راجل صرح بحبه لاختيار واحدة بعينها؛ لتصبح شريكة حياته وتم رفضه أفرح إن ربنا شيلك الأفضل إن حبك ده هيروح لحد أنت بالنسبة ليه كل حاجة، حد هيحس بوجودك في حياته، لاتجعل  ثقتك بنفسك تهتز،  اتمنالها الخير هو ده الحب إنك تفرح لفرح اللي بتحبه حتى لو مش ليك و أنسى و دور على اللي بيحبك بجد،  ومفيش" نبقى اصحاب و اخوات".. انسحب وابحث عن الحب الحقيقي ستجده يومًا ما.

متسمحش لحد يستغلك لما يعرف إنك بتحبه أو  يجاملك أو يشفق على حبك ليه، افتكر إنك شجاع يوم ماقررت تصرح بحبك وتتحمل مسئولية قرارك سواء بالقبول أو الرفض واختارت الطريق الصح"الحلال" بدون لف ودوران....ومن حق الطرف الآخر القبول أو الرفض دي حياة مفيهاش مجاملة أو خداع...فيه ناس كتير عايشة في وهم الحب من طرف واحد وحرموا أنفسهم من أجمل نعمة في الدنيا الحب والزواج وتكوين أسرة..افتكروا دايمًا إن ربنا بيختار لنا الخير اختياراتنا مش دايمًا صح، متحكمش على حد طالما متعرفش ظروفه و متعرفوش علشان مجرد أنه رفضك!

ربنا أعطانا حق الاختيار متفرضش وجودك طالما اتقابل بالرفض، ولا تنتقم  بحجة" الحب"،  وتبدأ تفكر إزاي ترد كرامتك المسألة مفهاش أي كرامة المسألة قلوب تنبض أو قلوب لاتنبض ، "الحب" لايعرف الأنانية، افتكر إن قلبك غالي على إنه يتجرح، حياتك أغلى من إنها تضيع في "وهم الحب ".