أسطوانة مشروخة "مبحبش مراتي" من أجل زواجه بأخرى!

أحلام واقعية- ندى العمر

"أصل مش مبسوط مع مراتي...أصل مراتي محبتهاش..أنتي اللي  حبتها بجد ..مفيش حد يشاركني حياتي غيرك"

أسطوانة مشروخة وحجج، ومبررات واهمة لو كذبتي على نفسك وصدقتيها كأنك بتحفري حفرة لنفسك، وتقولي بضحي من أجل الحب هي مش تضحية هي عبارة عن إنك بتكذبي الكذبة و تصدقيها!

أسطوانات من دي كتير حتى لو سكته الحلال..هيرسملك دور الضحية وإنه  بيضحي من أجل تحمله العيشة مع مراته وكأنه عايش مع "أمنا الغولة"، تبدائي تصدقي..تجي تقوليلوه يعني أنت طلقتها..هيرد ويقولك:"لأ مش رسمي كل واحد عايش بعيد عن التاني..دي أم العيال برده..بس هطلقها"

وبالفعل يعيشك دور أنه بيحبك وأنتي منقذته من "أمنا الغولة" ، وفجاءة بعد الجواز"يقولك ترضي أن العيال يتربوا بعيد عني وعن أمهم"، ويبدأ يبصلك بنظرات أنك سرقتيه من مراته وعياله.

وبعدها يحن لبيته، وعياله وخلاص القصة  خلصت يخليكي نصف ست يفتكركك وقت مزاجه، ومش بعيد يدور على غيرك.

اعرفي الدنيا دوارة على عكس الرجل الصريح يبدي رغبته بالزواج مرةأخرى سواء كان منفصل أو متزوج يعُلم زوجته بزواجه   دون مراوغة..عليكِ الاختيار بالقبول أو الرفض وتحمل مسئولية قرارك.